थोडासा धीर धर आधी कामाचं बघतो
वेळ मिळाला तर नक्की तुझ्यावर प्रेम करतो
लोक म्हणत्यात यंदा दुष्काळ जोराचा आलायं ,
नेहमी प्रमाणे ह्या वर्षी पण पाउस गायब झालायं,
हालक्या सरीतच धान्य पेरून घ्यावं म्हणतोय ,
कामाच्या सवडीतून जमेल तसे तुझाकडे लक्ष घ्यावं म्हणतोय ,
थोडासा धीर धर आधी कामाचं बघतो,
वेळ मिळाला तर नक्की तुझ्यावर प्रेम करतो,
फक्त अर्धच शेत हिरवं पिवळ झालंय ,
पाण्याविना अर्ध, केव्हाच मरून गेलयं ,
पाटलाकड जाऊन थोडं उसनं पैसे आणावं म्हणतोय,
अर्धच का असना तेवढं तरी फवारून घ्यावं म्हणतोय ,
एवढ फक्त काम होउदे
हाती चार पैसे येउदे
हाती चार पैसे येउदे
थोडासा धीर धर आधी पैश्याचे बघतो
वेळ मिळाला तर नक्की तुझ्यावर प्रेम करतो
शेतामध्ये माल यंदा कमीच झालाय ,
उसनं आणि ब्यांक कर्ज चा फास गळ्याला आलंय,
आता कुठ काय आधार मिळतोय का बघावा म्हणतोय
सरकारी ऑफिस ला जरा जाऊन याव म्हणतोय
आज जरा मी घाईत आहे,
सगळ लक्ष्य फायलीत आहे
सगळ लक्ष्य फायलीत आहे
थोडासा धीर धर आधी कर्जाचे बघतो,
वेळ मिळाला तर नक्की तुझ्यावर प्रेम करतो
मायबाप सरकारन १५०० रुपये अनुदान दिलंय
म्हणालं तसं तुझ कमीच नुकसान झालंय
काही का असंना चार पैसे लागल्यात हाताला
तेवढ तरी मागायचे कुठ आणि कोणाला
आता थोड तालुक्याला जाऊन येतो ,
तेवढ तरी मागायचे कुठ आणि कोणाला
आता थोड तालुक्याला जाऊन येतो ,
आधी पोरग्याला शाळेची पिशवी अन म्हातारीच औषध आणतो
येताना तुला गजरा नक्की आनेण
अजून थोडासा धीर धर
आधी त्याचं बघतो
आधी त्याचं बघतो
वेळ मिळाला तर नक्की तुझ्यावर प्रेम करतो.
……… नितीन माळी